Samstarfssamningur Útflutningsráðs og TDB í Kína
Útflutningsráð Íslands og Trade Development Bureau of the Ministry of Commerce (TDB) í Kína undirrituðu nýverið í utanríkisráðuneytinu í Reykjavík samstarfssamning til næstu þriggja ára, en Útflutningsráð og TDB gegna svipuðum hlutverkum í sínum heimalöndum.
Í samkomulaginu er gert ráð fyrir að aðilar vinni að því að auka viðskipti milli landanna og komi á framfæri við viðskiptavini sína þeim tækifærum í viðskiptum og fjárfestingum sem bjóðast í hvoru landi fyrir sig.
Að mati Útflutningsráðs er þetta samkomulag mikilvægur hlekkur í þjónustu ráðsins við fyrirtæki sem áhuga hafa á viðskiptum við Kína.
Frá undirritun samstarfssamnings; Zhang Chaomei, aðstoðarframkvæmdastjóri
TDB og Jón Ásbergsson framkvæmdastjóri Útflutningsráðs, ásamt fulltrúum
samstarfsaðila og utanríkisráðuneytisins.
